Terenteva_Dona_gob.jpg

Олiс-вылiс ай-мамтӧм том зон Тимошка. Босьтiсны сiйӧс ас дiнас лёк вира йӧз. Тимошка на вылӧ помся уджалiс, мед кӧть сёянтор вичмӧдасны. Тулыснас сійӧ кӧдзiс шобдi, гожӧмнас чери кыйис, тшакаліс да вотчис, а арнас чукӧртiс град выв пуктас.

Ӧтчыд кӧзяеваыс мӧдӧдiсны Тимошкаӧс вӧрӧ тшакла. Зон босьтiс ыджыд кӧрзина да мунiс. Дыр ветлӧдлiс, весиг кынӧмыс сюмаліс. Кор кӧрзинаыс тырис, Тимошка мӧдӧдчис гортас да друг неылысь аддзис ыджыд дона гоб. Матыстчис, кӧсйис нетшыштны сiйӧс. А тшак шыасис сы дорӧ, менӧ кӧ пӧ колян татчӧ, тшӧтш отсала. И зон сӧглас сетiс.

Yudina.jpg

Гоб топнитiс кокнас, да лоис дивӧ. Тимошка веськалiс выль керкаӧ, а сыкӧд орччӧн лоины шань да тӧждысьысь бать-мам. Рытывбыд найӧ пукалiсны сывъясьӧмӧн да сёрнитiсны, а мӧд луннас мунiсны дона гоб дорӧ да муӧдз копыртчылісны сылы.

Серпасыс Ульяна ЮДИНАЛӦН