Arsenii_Kanev.jpg

Öти овмöсын олісны-вылісны пуысь вöчöм Додь да Дадь. Ӧтсöгласӧн олісны. А сэсся коркö пöрысьмисны. Öтчыд на костын пансис вензьöм: коді унджык пöльза вайис кöзяиныслы аслас нэмöн.

Додь шуö: «Ме и турун ваялі, кöзяинöс вöрö новлöдлі, ва катлі юкмöсысь. Вöв ме дорö доддявлісны. А со тэ дорö вöвсö оз доддявны».

Terentev_Dad_—_kopiya.jpg

Дадь сылы вочавидзö: «А ме вылын кагаясöс новлöдлісны яслиö да садйö, исласисны чой горув. Ватö на ваявлісны флягаöн. Тэ ыджыд да сьöкыд, и тэнö челядьыс оз вермыны кыскавны ки выланыс, а менö вермöны».

Налысь пинясьӧмсӧ кыліс кöзяиныс да кывкöрталіс: «Энö вензьöй, ті кыкнанныд уна буртор меным вöчинныд асланыд нэмöн. Öні менам эм быдсяма кöрт техникаыс, но ме тіянöс ог шыбит, шыльöда-мольöда да видзны кута, быттьö музейын».

Серпасыс Константин ТЕРЕНТЬЕВЛӦН