Ответьте нам

Друзья! В 2020 году исполняется 140 лет со дня рождения русского писателя Александра Степановича Грина (н. ф. Гриневский) (1880-1932). Знаете ли вы, как в повести-феерии «Алые паруса» называется корабль, капитаном которого является Грэй?

Maschukova_1.jpg

Вöрын олiс-вылiс Мишук нима том ош. Ок и дыш сiйö вöлi – лун-лун быглясис туруна эрд вылын. Эрдыс вӧлі зэв небыд, быттьö шöвкысь кыöм джодждöра, да тырöма быдсяма мича дзоридзöн.

Кыдзи и быд пемӧслӧн эм аслас тырмытöмтор, сiдз и Мишуклöн вöлi. Зэв нин ёна радейтic сiйö ма. Ма радейтiс, а ветлыны сыла дышöдчис.

Öтчыдысь туруна эрд вывтi котöртiгöн ошлы юрас воис мöвп, кыдзи мала ветлöмсö позьö кокньöдны. И смелмöдчис варгöс Мишук лöсьöдны эрд вылас пасека. Сӧмын мыйысь вöчны мазiяслы оланiнсӧ? Гашкö, кыдз пу чуркаысь?

Эз на удит Мишук синнас лапнитны, мазiяслы некымын оланiн вöлi дась. Ош сувтöдалiс найöс эрд пасьтала. Сэсся бара на кутiс юрсӧ жуглыны: «Кытысь нö меным мазiяссö босьтны?» Тайö здукӧ неылын кыліс дзизгӧм шы. Вӧлӧмкӧ, мазiяс асьныс локтӧмаӧсь.

Maschukova-Yuzefov1.jpg

Мишук корис найöс ас киöн вöчöмтор дiнö:

– Лэдза тiянöс выль оланінӧ, но кутанныд кö меным ма дасьтыны!

Мазiяс видзöдлiсны пасекасö – воисны ӧти кывйӧ ошкöд.

Мунiсны лунъяс, и дзизгысь гагъяс кутiсны вайны ошлы ма. Ок и чöсмасис мудер пемöс юмовторнад, лун и вой радлiс. Недыр мысти маыс лоис сэтшöм уна, мый Мишукыд эз нин вермы ставсö сёйны.

Бара на кутiс мöвпавны: «Колö мыйкö вöчны юмовторнас!» И думыштiс сетны вöрса зверъяслы. Воис руч мала, а водзöсӧн вайис чери. Сэсся – кöч вотӧс тыра ыджыд кöрзинаöн. Бöрас – сус пу колльöн сӧвтӧм пестерöн ур да мыш выв тыр тшакöн ёж. Тадзи и пондіс сёяныс ачыс воны варгöс ош дорö. Бура заптысис Мишук тöв кежлö! И öнi на век олö-вылö да радлö аслас вöрын!

Серпасыс Марк ЮЗЕФОВЛӦН