Ответьте нам

Друзья! В 2020 году исполняется 140 лет со дня рождения русского писателя Александра Степановича Грина (н. ф. Гриневский) (1880-1932). Знаете ли вы, как в повести-феерии «Алые паруса» называется корабль, капитаном которого является Грэй?

Kulikova_Karina.jpg

Ылын-ылын лунвылын олiс-вылiс Акеллö верблюд. Кöзяиныс сылöн – зэв озыр купеч вӧлі. Та понда верблюд пыр сыкöд ветлöдліс да новлӧдлiс гöрб вылас тöвар. Акеллö вöлi тöлка да ыджыд вежӧра пемöсöн. Сiйö пыр кöсйис ставсö тöдны, но уджалiс кöлуй новлысьöн.

Öтчыдысь Акеллö мунiс аслас кöзяинкöд пустынятi да кывзысис, мый йылысь сёрнитöны йöзыс. Вöлöмкö, эм сэтшӧм страна – Россия. Сэнi аслыспöлöс олöм, пемöсъяс, керкаяс. Но медся ёна Акеллӧӧс чуймöдiс, мый роч йöзлöн абуӧсь верблюдъяс, на пыдди – вöвъяс, а öнiя кадö нӧшта – машинаяс.

Пуксис рыт, да караван сувтiс шойччыны. Войбыд Акеллö эз узь, майшасис да мöвпалiс роч му йылысь. Зэв окота лоис сылы сэтчö веськавны.

Тöлысь чöж верблюд думайтiс пышйыны Россияö. И татшöм луныс воис. Кöзяиныслöн вöлi нимлун. Локтiсны весиг суйöрсайса гöсьтъяс, вайисны быдсяма козинъяс. Мöд луннас найö мунiсны. Акеллö вöтчис машина бöрсяыс да воис аэропортö.

Верблюд виччысис, кор охранникъяс мунасны пажнайтны, и öдйö дзебсис самолётын багаж юкӧнö. Мудзöмысла регыд унмовсис, а садьмис, кор самолёт пуксис нин. Охранникъяс эз на локны, да Акеллö ньöжйöникöн петiс самолётысь. Аэропорт вылын вöлi гижöма: «Видза корам Коми мулöн юркарö».

Поводдяыс вöлi ыркыд, зэра, абу лунвылын кодь, но верблюдöс тайö эз повзьöд. Сiйö петiс да дыр гуляйтiс карöд. Мунiс-мунiс да локтiс кöрт туй дорö, сы дорысь аддзис кутшöмкö тешкодь пемöсъясöс. Вöлöмкö, тайö вöвъясыд и эмӧсь. Найö тöдмасисны. Вӧвъяс висьталiсны верблюдлы, мый зэв бура олöны, чöскыда сёйöны, а гаж дырйи новлöдлöны челядьöс. Акеллö шуис налы, мый кöсйис эськӧ кольччыны татчö. Но кодi сiйöс босьтас?

Недыр мысти локтiс вöвъяслöн кöзяиныс. Шай-паймунiс, кор аддзис «иностранечöс». Верблюд зэв мелiа видзöдiс сы вылö…

verblyud.jpg

Тадзи и кольччис Акеллö овны Выльгорт сиктӧ. Быд лун сiйö йирсьö кöрт туй дорын. А гаж мунан лунъясö выль кöзяиныс мичмöдö верблюдӧс лентаясöн да нуöдӧ кар-сиктӧ радуйтны челядьöс.

Сыктывкарö ветлiгöн ме ачым некымынысь аддзылi выльгортса иностранечöс. Сiйö весиг волiс миян сиктö да гуляйтӧдiс менö! Быд пӧрйӧ карö мунiгöн, Выльгортын, öвта верблюдлы киöн. Тайö менам медся радейтана суйöрсайса пемöс!