Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.

Виктор Савинлӧн казьтылӧмъясысь
(из детских воспоминаний коми писателя Виктора Савина)

«Нёбдінса Виттор нимӧй нин висьталӧ менсьым чужанінӧс – Нёбдін (Сторожевскӧй районын), Сыктывкарсянь 84 километра сайын, Эжва катчӧс. Чужсьылӧма Трӧш сиктын (Нёбдін шӧрсянь 3 километрӧн кывтыдджык) 1888 вося ноябрь 22-ӧд лунӧ. Керканым мир туй дорас (шуйгавылас). Менам ичӧт дырйи сэні вӧлі сӧмын вит керка, ставыс ӧтар бокас – лунӧ паныда…

Ми вӧлім кӧъямыс чоя-вока, да нёльсӧ на пиысь видзлі ме. Зонпоснилӧн кага видзӧмыд, дерт, абу нывпоснилӧнкодь дӧзьӧра: пышъян вӧлі аскоддьӧмъясыдкӧд ворсны либӧ сёрдӧ котӧртан «ур кыйны», либӧ вадорӧ купайтчыны лэччан, а кагаыд «узьӧ», – пыр узьӧ, кӧть эськӧ дӧза, гашкӧ, чермунтӧдзыс нин бӧрдіс дай потансьыс нин важӧн джоджас грымгысис-усис, – нинӧм сэки он кыв. Рытнас сӧмын удж вылысь бать-мам воасны да, вӧлисти тӧдлан – бура зульӧдасны, шлачкӧдасны тэнӧ кагатӧ эновтӧмсьыд…

«Купальнича Иванлун» вечерняӧ миян пывсьӧны выль корӧсьясӧн, купальнича турун сорӧн. Пывсьӧм бӧрын сэсся сійӧ корӧсьяссӧ лэччӧдӧны да Эжваӧ шыблалӧны. Кывтас кӧ корӧсьыс ва вывтіыс – дзоньвидза пӧ колян, вӧяс кӧ – сійӧ воас жӧ пӧ и кулан. Ми ӧтчыд, пывсьӧм бӧрын, чукӧртчим, гашкӧ, став Трӧш сиктса челядь дай лэччим вадорӧ корӧсьяснымӧс шыблавны.

Лыа вывті мунігӧн нин менам кутіс сьӧлӧмӧй повны: мед эськӧ бара оз жӧ вӧй корӧсьӧй! Гач кокъяснымӧс пуджим да ваӧ келім. Зэв ылӧдз ляпкыд. Коркӧ лядьвейӧдз лоис дай шыбитім корӧсьяснымӧс – павгысисны быдӧнлӧн пӧшти Эжва шӧрас, менам сідзжӧ шпулькнитчис. Мукӧдыслӧн, видзӧда да, шлывгисны-кывтісны корӧсьясныс, а менам – дзурс пырис, вӧйис…Кӧсйи эськӧ кевлыны судзӧдны, да эг лысьт – ачым, мися, тшӧтш вӧя… Ок, ёна жӧ менӧ сэки шогӧдіс: ӧд кувны лоӧ таво вылын жӧ!.. Эг вермы кутчысьны дай ырӧстӧмӧн бӧрддзи… Мукӧдыс эськӧ ӧлӧдӧны менӧ, да мый – эштӧма нин ӧні ставыс, олӧмӧй овсьӧма… Аттӧ, кутшӧм абу окота кувны меным, кутшӧм жаль став олӧмыс!..

Лёк горшӧн бӧрдігтырйи и кайи ме гортӧ. Мамӧ юалӧ: мыйысь нӧ пӧ, Викторушко, татшӧма бӧрдан?

– Корӧсьӧй ӧд менам вӧйис, мамӧ!.. Ойя жӧ да ойя, кула ӧд ме, мамӧ, кула!..

Гортсаӧс быдӧн жугыльтӧді аслам лимзалӧмӧн: Ӧньӧ вокӧй да Варӧ чойӧй кутісны тшӧтш бӧрдны. Мамӧ эськӧ быд ногыс бурӧдӧ-ӧлӧдӧ, да он босьт – этша нин сэн пӧсӧбитан… Войбыд бӧрді, мӧд луннас на бура дыр лӧвті и, дай кор дум вылӧ усьлӧ корӧсь вӧйӧмӧй, пырысь-пыр шогӧдас вӧлі: «Регыд нин, кӧнкӧ, ӧні ме сэсся кула, югыд шондіӧй да вӧльнӧй светӧй!..».

Йӧзӧдӧма: журнал «Би кинь». - 2018. - 11 №. - 2-3 лист бокъяс.

Имя моё – Нёбдінса Виттор (Виктор из Нёбдіна) уже говорит о моей родине – Нёбдін (в Сторожевском районе), что в 84 километрах от Сыктывкара, вверх по Вычегде. Родился я в селе Трош (в трёх километрах от Нёбдіна) 22 ноября 1888 года. Наш дом стоял возле главной дороги (слева). В моём детстве там было всего пять домов, все с южной стороны…

Нас было восемь братьев и сестёр, и четырёх из них нянчил я. Мальчики не девочки, не так ответственно относятся к этому делу: убежишь, бывало, с такими же, как я, играть, или в ельник побежишь «белку ловить», или на речку пойдёшь купаться, а ребёнок «спит», всё время спит, хотя уже, наверное, рыдает до судорог, или уже с люльки на пол свалился, – ничего тогда не слышишь. Узнаешь только вечером, когда родители с работы вернутся и накажут тебя за то, что ребёнка оставил.

Вечером перед днём Ивана Купалы у нас парятся новыми вениками с добавлением цветов купальницы. После бани веники эти бросают в Вычегду. Если веник поплывёт по реке – останешься здоровым, если утонет – в тот же год и умрёшь. Однажды собрались мы после бани все ребята из села Трош и пошли к речке веники бросать. Ещё когда по песку шёл, сердце было уже не на месте: хоть бы веник мой не утонул. Закатали мы штанины, вошли в воду и бросили свои веники. У всех веники плюхнулись почти на середине Вычегды, и мой – тоже. Смотрю, у всех веники поплыли, а мой сразу же ушёл под воду, утонул. Хотел было доплыть и достать веник обратно, да не посмел, испугался, что сам тоже утону… Ох, как же мне было тогда тошно: ведь умереть придётся в этом году! Не смог удержаться и навзрыд заплакал. Все, конечно, меня успокаивают, да куда там – всё кончено, жизнь кончена. Ох, как же не хочется умирать, жалко своей жизни!

Рыдая во всё горло, пошёл домой. Мама спрашивает, отчего, мол, Викторушко, так плачешь?

– Веник ведь мой утонул, мама! Ох-ох-ох, умру ведь я, мама, в этом году умру!..

Всех домашних опечалил своими завываниями: брат Андрей и сестра Варя тоже начали плакать. Мама по-всякому успокаивает, да куда там – ничем уже не поможешь… Всю ночь проплакал, на следующий день ещё довольно долго ныл, и когда вспоминал об утонувшем венике, сразу же тошно становилось: «Скоро уже, наверное, я умру, прощай, ясное солнышко и вольный свет!..»

Источник: журнал «Би кинь». - 2018. - № 11. - С. 2-3.